Uppskeruhátíð barna og unglinga Geysis

Í vikunni héldum við hátíðlega uppskeruhátíð bara og unglinga Geysis við frábæra mætingu.

Æskulíðsstarf Geysis hefur verið blómlegt á árinu, haldin var sýning, farið var í óvissuferð, það var haldið bingó, fyrirlestur
um hugarþjálfun og sitthvað fleira. Námskeiðshöld hafa einnig verið regluleg frá í janúar með góðri þátttöku, bæði fyrir börn og unglinga sem eiga hesta og þau sem hafa ekki aðgang að þeim sjálf. Starfsemin er að færast í að vera stunduð allt árið eins og aðrar íþróttagreinar.

Geysir hefur í ár, átt marga knapa í verðlaunasætum á bæði Íslandsmóti og Heimsmeistaramóti. Félagið átti Íslandsmeistara í barnaflokk, unglingaflokk, ungmennaflokk og meistaraflokk. Tveir félagsmenn skiluðu einnig heim 5 x heimsmeistaratitlum!

Á uppskeruhátíðinni okkar voru veitt knapaverðlaun fyrir bestan árangur í barnaflokk og unglingaflokk. Þau Eiríkur Vilhelm Sigurðarson formaður Geysis og Alma Gulla Matthíasdóttir formaður æskulíðsnefndar veittu verðlaun.

Tilnefndir voru í barnaflokki

Aron Dyröy Guðmundsson, Aron Einar Ólafsson, Eva Dögg Maagaard Ólafsdóttir, Helgi Hrafn Sigvaldsson, Jón Guðmundsson og Viktoría Huld Hannesdóttir.

Knapaverðlaun í barnaflokki hlaut Viktoría Huld Hannesdóttir! Við óskum henni innilega til hamingju með árangurinn!

Viktoría Huld náði frábærum árangri á árinu. Hæst ber að nefna frábæran árangur á Íslandsmóti barna og unglina. Þar varð hún Íslandsmeistari á Þin frá Enni í barnaflokki gæðinga. Hampaði öðru sæti í gæðingatölti, fjórgang og tölti t3. Í gæðingatölti á Þin frá Enni og fjórgang og Tölti T3 á Steinari frá Stíghúsi. Hún náði frábærum árangri á öllum þeim mótum sem hún keppti á hvort sem það voru vetrardeildir eða sumarmótin.

Tilnefnd voru í unglingaflokki

Bryndís Anna Gunnarsdóttir, Dagur Sigurðarson, Eik Elvarsdóttir, Elimar Elvarsson, Elísabet Líf Sigvaldadóttir og Þórhildur Lotta Kjartansdóttir.

Knapaverðlaun í unglingaflokki hlaut Dagur Sigurðarson! Við óskum honum innilega til hamingju með árangurinn!

Dagur Sigurðarson hampaði tveimur íslandsmeistaratitlum á árinu. Í fimmgang á Skugga-Sveini frá Þjóðólfshaga og í 100m skeiði á Trommu frá Skúfslæk. Þess utan náði hann gríðarlega góðum árangri á Suðurlandsmóti, Reykjvíkurmeistarmóti, Íþróttamóti Geysis, Íþróttamóti Sleipnis og svo mætti áfram telja.

Einnig hlutu Íslandsmeistarar úr hópi Geysis félaga viðurkenningu frá félaginu fyrir frábæran árangur á árinu. Þau Viktoría Huld Hannesdóttir, Dagur Sigurðarson, Eik Elvarsdóttir og Elísabet Líf Sigvaldadóttir.

Innilega til hamingju öll sömul!

Við hlökkum til áframhaldsins með okkar frábæra unga fólki og framtíðar knöpum Geysis!