Árið byrjar á mjög spennandi nótum en búið er að tilkynna A-landsliðshópinn fyrir árið 2026 þar sem liðið samanstendur af þó nokkrum afbragðs knöpum úr röðum Geysis. Liðið er myndað til stefnu á Norðurlandamót i Svíþjóð næsta sumar en einnig fyrir heimsmeistaramótið sem haldið verður í Reiden í Þýskalandi sumarið 2027.
„Allar knapar í hópnum hafa náð framúrskarandi árangri í hinum ýmsu greinum, eru með spennandi og sterkan hestakost fyrir komandi tímabil og skýr markmið um árangur og þar með vakið athygli landsliðsþjálfara og fengið pláss í þessum A-landsliðshópi,“ segir í tilkynningu frá LH.
Ísólfur Líndal, A-landsliðsþjálfari Íslands, tilkynnti hópinn í síðustu viku og eru það eftirfarandi 24 knapar sem mynda hann. Af þessum fríða hópi eru 8 knapar félagar í hestamannafélaginu Geysi. Við erum hrikalega stolt af þessum fulltrúum okkar og hlökkum virkilega til að fylgjast með þeim í brautinni næstu tvö árin!
- Aðalheiður Anna Guðjónsdóttir, Herði, ríkjandi heimsmeistari í slaktaumatölti
- Arnhildur Helgadóttir, Geysi
- Árni Björn Pálsson, ríkjandi heimsmeistari í tölti
- Ásmundur Ernir Snorrason, Geysi
- Benjamín Sandur Ingólfsson, Geysi
- Brynja Kristinsdóttir, Sörla
- Daníel Gunnarsson, Skagfirðingi
- Eyrún Ýr Pálsdóttir, Fáki
- Flosi Ólafsson, Borgfirðingi
- Guðmunda Ellen Sigurðardóttir, Sleipni
- Guðmundur Björgvinsson, Geysi
- Glódís Rún Sigurðardóttir, Sleipni
- Gústaf Ásgeir Hinriksson, Geysi
- Hanna Rún Ingibergsdóttir, Geysi
- Hans Þór Hilmarsson, Geysi
- Helga Una Björnsdóttir, Þyt
- Jóhanna Margrét Snorradóttir, Mána
- Jakob Svavar Sigurðsson, Dreyra
- Kristján Árni Birgisson, Geysi, ríkjandi heimsmeistari í 100m og 250m skeiði í ungmennaflokki
- Sigurður Vignir Matthíasson, Fáki
- Teitur Árnason, Fáki
- Védís Huld Sigurðardóttir, Sleipni, ríkjandi heimsmeistari í tölti og fjórgangi í ungmennaflokki
- Viðar Ingólfsson, Fáki
- Þórarinn Eymundsson, Skagfirðingi
Innilega til hamingju, kæru knapar, þjálfarar og hestafólk!
Höf. Edda S Thorlacius